KHF

2020

kvikmyndahátíð framhaldskólanna Verður haldin Laugardaginn 29.febrúar 2020

Kvikmyndahátíð framhaldsskólanna, KHF verður haldin af Fjölbrautaskólanum við Ármúla laugardaginn 29. febrúar 2020 í samstarfi við Bíó Paradís. Hátíðin hefur þann tilgang að efla sköpun ungmenna og búa til vettvang fyrir þá nemendur sem hafa áhuga á kvikmyndagerð. Þar gefst þeim tækifæri til að sýna áhorfendum sín verk og skoða verk annarra. Stefnt er að því að hátíðin verði veglegri en nokkru sinni fyrr og jafnframt sýnilegri í samfélaginu þannig að hún hljóti fastan sess í félagslífi ungs fólks. Vandaðar stuttmyndir verða valdar á hátíðina og keppa þær um vegleg verðlaun. Verðlaun verða veitt fyrir bestu myndina, bestu tæknilegu útfærsluna og bestan leik. Dómnefnd skipa þrír einstaklingar sem allir hafa víðtæka reynslu úr kvikmyndagerð.

Flokkar:

Besta mynd

Best leikna

Besta tæknilega útfærslan

Besta kvikmyndatakan

Áhorfendaverðlaun

uM OKKUR

KHF er skipulögð af framhaldsskólanemendum fyrir nemendur. Fjölmargir þeirra koma að hátíðinni en hátíðarstjóri er Ragnheiður Sól Jansson. Kvikmyndahátíð framhaldsskólanna var fyrst haldin árið 2015. Það ár var hún haldin í húsnæði Fjölbrautaskólans við Ármúla en árið eftir var hún færð í Bíó Paradís og er stefnan sú að halda hana þar næstu árin. Nemendur í FÁ stofnuðu hátíðina en hugmyndin spratt fram í áfanga sem fjallar um viðburðastjórnun, þ.e. uppsetningu og skipulag viðburða. Nemendur skipuleggja allt sjálfir hvað varðar hátíðina, fjármagna hana, hanna plakat, veglega sýningarskrá og heimasíðu og setja upp alla dagskrána. Það berast stuttmyndir víðsvegar af landinu á hátíðina og stefnt er að því að sem flestir framhaldsskólar taki þátt í þessum ánægjulega viðburði. Því hvetjum við alla framhaldskólanemendur að senda inn stuttmyndir og vera þannig virkir þátttakendur í skemmtilegum viðburði.

Fjölbreytni skortir ekki því stuttmyndir hátíðarinnar koma frá ýmsum landshlutum og allskyns áhugaverðum einstaklingum. Þetta er frábært tækifæri fyrir ungt kvikmyndagerðarfólk til þess að koma sér á framfæri með því að senda inn eigin mynd hvort sem hún er heimagerð eða skólaverkefni. Einnig geta þátttakendur sótt sér innblástur í framtíðarverkefni með því að horfa á stuttmyndir annarra nemenda.

Þekktir heiðursgestir hafa ávallt sótt hátíðina, m.a. Ragnar Bragason, Jón Gnarr og Eva Sigurðardóttir. Í ár er von á vel þekktum heiðursgestum sem hvorutveggja miðla af reynslu sinni og skemmta hátíðargestum. Það gefst gott tækifæri til að kynnast stjörnum kvikmyndanna á Íslandi á KHF. Einnig heimsækja hátíðina þekktir grínistar sem munu skemmta hátíðargestum. Láttu þig ekki vanta á hátíðina 29. febrúar í Bíó Paradís! Aðgangur er ókeypis. Hátíðin er styrkt m.a. af Kvikmyndamiðstöð Íslands og Mennta- og menningarmálaráðuneytinu.

instagram

 

Hafðu samband

heimilisfang

Ármúli 12

Fjölbrautarskólinn við Ármúla

NETFöng

stjorn@filmfestival.is

taekni@filmfestival.is

markadur@filmfestival.is

ritstjorn@filmfestival.is

umsokn@filmfestival.is

 

Ath að ekki er svarað tölvupóstum yfir sumar eða eftir hátíðina.

 

PÓSTUR

 
sími

7702010

  • White Facebook Icon
  • White Instagram Icon
  • White YouTube Icon

© 2019

This site was designed with the
.com
website builder. Create your website today.
Start Now